Waqt kuch ajeeb sa hai, na thama hai na chala hai
munder par baithe, manzil naaptee hoon
saamne ka rasta dhundhla hai
peechhe ka kaheen aur ko jaataa hai

aankhein meenche mutthee bheenche
silwaton mein muskaan lapete
aajkal roz hee nikal padtee hoon
kabhee is galee kabhee us chauraahe

ungliyon se nishaan kuredtee hoon
shayad kuch nazar aa jaaye
ab hee ab hai, baakee sab mittee hai
lakeerein bhee aawaak see dekhtee hain mujhe